South Carolina jusqu'en finala : Alicia Tournebize au còr d'un percors de plan naut niveu

La March Madness 2026 es estada sinonima de reüssita per las South Carolina Gamecocks, finalistas dau torneg après un percors impressionant.

Las Gamecocks an marcat los esperits dempuei la debuta emb una victòria aclapanta 103-34 contra Southern, abans de montar en poténcia jusc'au Final Four, ente fagueren tombar lo drac UConn, jusc'aquí invencit. 

Queu succès lor a dubert las pòrtas de la finala nacionala fàcia a UCLA. Maugrat lor experiéncia e lor estatut de pretendent au títol, las jogairas de Dawn Staley se son fin finala inclinadas pesantament (51-79), laissant filar un títol que semblava a portada. 

Dins quela aventura, Alicia Tournebize, originària de Vichèi, a participat a la rotacion d'un efectiu fòrça dense. Si son temps de juòc demòra enquera limitat dins una equipa calibrada per lo títol, sa preséncia dins un tau contèxte fa prueva de sa progression rapida au mai naut niveu universitari.

Finalista NCAA dempuei aquela sason, South Carolina confirma son estatut de poténcia màger dau basquet femenin american. Per Tournebize, l'avenidor s'anóncia prometedor : quela prumiera granda campanha podriá plan èsser lo punt de partença d'un ròtle creissent dins las sasons a venir.